Ժան Միշել Ժառ (Jean Michel Jarre)

Բարև բոլորին,
Եթե կան Ժառի արվեստով հետաքրքվողներ, առաջարկում եմ քննարկենք ցանկացած բան ինչ վերաբերվում է Ժան Միշել Ժառին՝ ալբոմները, համերգները, ալբոմների նկարները, գործիքները....
Իր երաժշտությունը լսելուց, ոնց որ միանգամից տիեզերքում հայտնվես....
Մի քանի փաստեր Ժառի համերգներից։ Բերում եմ Ժան Միշել Ժառի այն համերգների ցուցակը, որոնց ժամանակ ներկաների թիվը գերազանցել է միլիոնը։
1979 Paris la Concorde 1.000.000 ներկաներ
1986 Rendez-Vous Houston 1.300.000 ներկաներ
1990 Paris la Defense 2.500.000
1995 Concert for Tolerance 1.250.000
1997 Oxygene in Moscow 3.500.000

bari galust! . che JMJ chem lsel

Ես էլ ծանոթ չեմ Ժան Միշել Ժառին, բայց եթե առիթ լինի, կլսեմ։

Շատ շնորհակալություն ձեր պատասխանների համար։ Քանի որ ձեզ ծանոթ չէր կարող էիք պարզապես նայել ու ոչ մի բան էլ չգրել.... Մերսի՛՛՛
Ժառը շատ հետաքրքիր ու յուրահատուկ ոճ ունի, որ ուրիշ ոչ մեկի հետ չեք շփոթի։ Իր երաժշտություններից հաստատ լսել եք, պարզապես երևի չգիտեք, որ իր գործերն են։ Ժառը նվագում է սինթեզներով և էլեկտրոնային այլ գործիքներով, անգամ փողային սինթեզատորով (սինթեզ, որը փչելով ես նվագում)։ Նաև համերգների ժամանակ օգտագործում է լազերային «քնար» (Laser Harp), այ էս մեկը իմ կարծիքով տեսած կլինեք։ Նաև իր համերգները հիմնականում տեղի են ունենում բաց տարածություններում և միշտ օգտագործվում են լուսալազերային տեխնիկա։ Համերգներով հանդես է եկել Եգիպտոսի բուրգերի մոտ (ամբողջ համերգի ընթացքում բուրգերը վերածվել էին հսկայական էկրանների, որոնց վրա երաժշտության ընթացքում տարբեր պատկերներ և վիդեո կադրեր էին ցույց տրվում), Էյֆելյան աշտարակի մոտ, տվել է համերգ Դանիայի դաշտերից մեկում, և այդ համերգը նվիրել է քամուն, քանի որ դա աշխարհում առաջին մեգաշոուներ, որի էլեկտրականությունը ստացվել էլ քամուց։ Իսկ իր վերջին համերգներից մեկը ներկայացրել է Սահարա անապատում, և համերգի վերնագիրն էր՝ Water For Life (Ջուր կյանքի համար)։ Այս համերգը նա տվել էր Միավորված ազգերի կազմակերպության պատվելով։ Մի խոսքով շատ չխորանամ, բայց որ լսեք կտեսնեք որ շատ հետաքրքիր ոճ է։ Ես հիմա աշխատում եմ իր հայկական կայքի վրա, որը հիմա արդեն պատրաստ է, բայց դեռ ավարտված չէ։ Կարող եք այցելել www.jarre.am

Jarre, կայքդ մտա, շատ լավ ես սարքել։ Ինքան հասկացա, հնչող երգը հեն Ժառինն է։ Շատ եմ լսել էդ երաժշտությունը, չգիտեի, որ նրանն է։

Շատ-շատ մերսի ։Երգը իր երգն է։ Բայց փլեյլիսթում անունը սխալ է գրված։ Դա ամբողջությամբ OXYGENE 7-13 ալբոմն է։ Երաջշտությունը դուրդ եկա՞վ։ Շուտով ավելի շատ վիդեո և աուդիո ֆայլեր կլինեն։

JARRE wrote:Շատ-շատ մերսի ։Երգը իր երգն է։ Բայց փլեյլիսթում անունը սխալ է գրված։ Դա ամբողջությամբ OXYGENE 7-13 ալբոմն է։ Երաջշտությունը դուրդ եկա՞վ։ Շուտով ավելի շատ վիդեո և աուդիո ֆայլեր կլինեն։

Հա, լավ երաժշտություն է։
Եթե ժամանակ ունենամ, այլ երգեր էլ կլսեմ։ Ուղղակի հիմա ինտերնետս ահավոր դանդաղ է (Dial-up )

Եթե դուրդ գա, ես ունեմ իր բոլոր ալբոմներն ու սինգլները+լիքը DVD-ներ, կարող եմ տալ

Ես լսել եմ Jean Michel Jarre: Համ էլ ունեմ Live in Beijing - ի DVD - ն: Շատ լավնա: :

Ժան Միշել Ժառի համերգները շատ գեղեցիկ են։ Շատ մեծ իմաստ է Ժառը դնում այն պատկերների մեջ, որոնք ցուցադրվում են համերգների ժամանակ։ Ժառը հիանալի ձևով է ձևավորում բաց տարածությունները։ Նկարներ կարող եք տեսնել www.jarre.am կայքում, Media բաժնում

Կայքդ շատ գեղեցիկ ես սարքել, միայն թե, ցավոք, իմ համակարգիչնու Ինտերնետը շատ թույլ են, դրա համար, նախ կայքդ շատ դանդաղ է բացվում, հետո էլ, երբ բացվում է, դանդաղ է աշխատում, պրոցեսորիս աշխատանքը դառնում է 100%։
Մոտս վերջին ֆլեշ փլեյերն է, բայց մեկ ա, չի օգնում։ Պիտի կոմպս փոխեմ...

Ժան Միշել Ժառը 2009թ.-ին ներկայացնելու է համերգ Pink Floyd-ի Դեյվիդ Գիլմորի, Queen-ի Բրայան Մեյի, Պիտեր Գաբրիելի և Ֆիլ Քոլինզի մասնակցությամբ։ Համերգի կազմակերպիչը հայ աստղագետ (ով ապրում և աշխատում է բնականաբար ոչ հայաստանում) Գարիկ Իսրայելյանն է։ Պարոն Իսրայելյանը ուսումնասիրում է նաև աստղերից և տիեզերական այլ մարմինների արձաևած ձայները։ Համերգի ընթացքում հնչելու են ստեղծագործություններ հե՛նց տիեզերական այդ մարմինների արձակած ձայներով։ Համերգը հովանավորում են ՅՈՒՆԵՍԿՕ-ն, Իսպանիայի և Կանարյան կղզիների կառավարությունը։ Համերգը տեղի է ունենալու Եվրոպայի ամենամեծ աստղադիտարաններից մեկի մոտ, որը գտնվում է Կանարյան կղզիներում։ Ժառը ասում է, որ սա իր կյանքի ամենակարևոր պրոեկտն է։

JARRE wrote:Ժան Միշել Ժառը 2009թ.-ին ներկայացնելու է համերգ Pink Floyd-ի Դեյվիդ Գիլմորի, Queen-ի Բրայան Մեյի, Պիտեր Գաբրիելի և Ֆիլ Քոլինզի մասնակցությամբ։ Համերգի կազմակերպիչը հայ աստղագետ (ով ապրում և աշխատում է բնականաբար ոչ հայաստանում) Գարիկ Իսրայելյանն է։ Պարոն Իսրայելյանը ուսումնասիրում է նաև աստղերից և տիեզերական այլ մարմինների արձաևած ձայները։ Համերգի ընթացքում հնչելու են ստեղծագործություններ հե՛նց տիեզերական այդ մարմինների արձակած ձայներով։ Համերգը հովանավորում են ՅՈՒՆԵՍԿՕ-ն, Իսպանիայի և Կանարյան կղզիների կառավարությունը։ Համերգը տեղի է ունենալու Եվրոպայի ամենամեծ աստղադիտարաններից մեկի մոտ, որը գտնվում է Կանարյան կղզիներում։ Ժառը ասում է, որ սա իր կյանքի ամենակարևոր պրոեկտն է։

Իսկ հայտնի ա՞ կոննկրետ երբա լինելու էդ համերգը:

Դեռ կոնկրետ ամսաթիվ չի հայտարարվել, բայց կարծում եմ, որ կլինի հունիսից հետո, երևի աշնանը, քանի որ մինչև մայիսի վերջ Ժառի բոլոր համերգների ամսաթվերը ադեն պարզ են։ Անպայման կգրեմ ամսաթիվը հենց որ իմանամ

Ինչ վատն եմ, չէ՞, որ վերջին գրառումիցս երկու տարի հետո եմ մտնում ու էլի պղտորում ձեր օրը Ժան Միշել Ժառով։

Բայց լավ նորություն ունեմ։ Հուլիսի երկուսին euronews ալիքը ուղիղ եթերով ցույց է տալու Ժան Միշել Ժառի բացօթյա վիթխարի շոուն։ Սա առաջին դեպքն է, երբ euronews լրատվական ալիքը նման կերպով համագործակցում է որևէ երաժշտի հետ։

Ներկայացնում եմ մանրամասները։


Մոնակոյի արքայազն Ալբերտ II-ի և Մոնակոյի կառավարության հրավերով Ժան Միշել Ժառը ներկայացնելու է վիթխարի մեգահամերգ նվիրված Ալբերտ II-ի և Շարլին Ուիթսթոքի ամուսնության արարողությանը, որը համարվում է պետական մեծ տոն և նշվում համապատասխան մակարդակով։ Ինեպես և Ժառի բոլոր համերգները այս համերգն ևս ուղեկցվելու է լազերային և վիզուալ ճոխ էֆեկտներով։ Համերգի 200 մետրանոց բեմը կառուցվում է դեռևս անցած շաբաթվանից։

Հայաստանի ժամանակով այս վիթխարի համերգը կարող եք դիտել euronews-ի ուղիղ եթերում հուլիսի 2-ին ժամը 01:00 (ֆրանսիայի ժամանակով հուլիսի 1-ին, ժամը 22:00)

Ինտերնետում համերգը կարող եք դիտել ուղիղ եթերով հետևյալ կայքերում.

http://www.ustream.tv/jeanmicheljarre

http://www.euronews.net/news/streaming-live

Ժան Միշել Ժառի մենեջմենթը և Մոնակոյի կառավարությունը խոստանում են, որ այս համերգը լինելու է վիթխարի թե՛ իր մասշտաբներով և թե՛ որակով։

euronews-ը այս միջոցառումը սկսելու է լուսաբանել հունիսի 29-ից։ Ահա հաղորդումների ծրագիրը։

Չորեքշաբթի, հունիսի 29
Նախատեսված տոնակատարություններ
Հարսանիքի ծրագիր
Վիթխարի բեմի պատրաստման աշխատանքներ
Ժան Միշել Ժառի առաջին սաունդ չեկը No Comment շարքում

Հինգշաբթի, հունիսի 30
Հյուրեր, մենյու, տոնակատարություններ, հարսանեկան հագուստ
Մոնակոյի տնտեսությունը
Մի քանի րոպե հարսանիքից առաջ
Ժան Միշել Ժառի վերջին փորձը և էքսքլյուզիվ հարցազրույց
Ժան Միշել Ժառի վերջին փորձը No Comment շարքում

Ուրբաթ, հուլիսի 1
17h00 CET LIVE : քաղաքացիական ամուսնություն, ուղիղ միացում Թագավորական Սենյակից
17h50 CET LIVE : նորապսակների ողջույնը հավաքված ամբոխին
18h00 CET No Comment Live : ֆուրշեթ Palace Sqare-ում
20h00 CET No Comment Live : ֆուրշեթ Հերկուլես նավահանգստում համերգից անմիջապես առաջ
Ժան Միշել Ժառի էքսքլյուզիվ հարցազրույցը համերգից հաշված րոպեներ առաջ
22h00 CET No Comment Live : Ժան Միշել Ժառի համերգի էքսքլյուզիվ ուղիղ հեռարձակում

Շաբաթ, հուլիսի 2
17h00 CET LIVE : Ամուսնական արարողությունը եկեղեցում
18h30 LIVE : Էքսկուրս Մոնակոյում
21h00 CET No Comment Live : հյուրերի ժամանումը տոնական ճաշկերույթին
22h00 CET No Comment Live : հրավառություն

Կիրակի, հուլիսի 3
Մոնակոյի տոնակատարությունների և Ժան Միշել Ժառի համերգի լավագույն կադրերը

ՈՒՇԱԴՐՈՒԹՅՈՒՆ: Բոլոր նշված հաղորդումները և համերգի ուղիղ եթերը կարող են ցանկացած պահի ընդհատվել հրատապ նորությունները հաղորդելու պատճառով։ Հուսանք, որ համերգի ընթացքում աշխարհում ոչ մի հրատապ բան չի պատահի։ Ի՜նչ էգոիստն եմ, չէ՞

ՀԳ՝ Մեր մեջ ասած euronews-ը հավեսով ռասկրուտկայա անում Ժառին։ Այնպիսի տպավորություն է որ իմ սիրելի մաեստրոյի ստեղծագործական ուղղին կրկին տեղափոխվեց հին և բարի 80-ականներ, երբ նա վայելում էր համաշխարհային համբավ և բոլորը խոսում էին նրա համերգներից։ Անչափ հաճելի է, երբ քո սիրելի երաժիշտը և քեզ համար թանկ մարդը ունենում է նման հաջողություններ